7 مهارات شخصية مهمه للعمل بنجاح/ رقم 5 ستدهشك

المهارات الشخصية

 هي الجزء اللي بيعكس للناس احنا مين كأفكار ومواقف وتصرفات و طموحات واللي بيها بيختاروا يكونوا علاقة معنا تحت مسميات كتيرة  جوه العمل وفي الحياة بشكل عام ... ولأن مجالات العمل متعددة وكتيرة والاحوال الاقتصادية العالمية والمحلية بتغير فينا الكتير فمع  كل تطور بيحصل بيزيد الاحتياج للـ 7 مهارات دول أكتر من مهارات تانية مهمة ولكن غير ضرورية

 

المهارات الشخصية بنتولد بيها ونطورها وكمان بنتعلمها من الحياة 

7

لغة الجسد

للجسد لغة فريدة في التعبير بسيطة ومعقدة في نفس الوقت ولكن بتعبر عن مشاعرنا وأفكارنا اللي مخبينها جوه عقلنا وفاكرين أن مفيش إنسان هيقدر يوصلها بس الحقيقة إننا بنظهرها بـ

ألوان الملابس , شكل الاكسسوارات  , رائحة البرفان 
حركات جسمنا في كل لحظة , نظرات عيونا وتعبيراتنا

أنت مين ؟ ماضي وحاضر ومستقبل 
متوقف علي تعرف نفسك ولا لا ؟
هل شخصيتك بتساعدك في الحياة ولا لا؟

درجة تحكمك في عقلك في اللحظة الحالية موجودة ولا لا؟

التخطيط الشخصي

التخطيط هو وسيلة التحكم في الأحداث للوصول للأمنيات وتحقيقها عن طريق استغلال اللحظة  الحالية اللي بنعيشيها حالا فى تنفيذ خطوات بسيطة وصغيرة توصلنا لحلم كبير بعد فترة زمنية محددة عن طريق 

تحديد الأولويات للأفعال بشكل يومي شهرى سنوى

تحديد الشخصيات المطلوب التعامل معاهم في كل مرحلة

تحديد قائمة احتياجات للتطوير   

إدارة الوقت

الوقت بيمر بدون ما نقدر نتداخل فيه ونوقفه ومن هنا جت فكرة الجمع  بين الإدارة ووظائفها والوقت لأن الوقت هو عمرنا اللي بيمر ومحتاجينه   عشان نحقق كل أحلامنا وطموحات الشركات فى خلال ساعات عمل معينه بشكل يومي وشهري وحتي عمليه التحقيق بتم في مدة زمنية معينه تصل لفترة 3 أشهر وهما مدة الاختبار لخبراتنا العملية ومهاراتنا  الشخصية وعشان نعدي اللحظات دي محتاجين نعمل عملية إدارة كاملة للوقت بداية من التخطيط وتحديد الأولويات وصولا للتنفيذ   

إدارة الفشل

الفشل جزء لا يتجزأ من رحلتنا في الحياة ولما من البداية نعرف نقاط ضعفنا الشخصية هنعرف امتي هنفشل وهنستعد ليها بوظائف  الإدارة وهنقدر نتخطاه سوء لوحدنا أو بمساعدة الاخرين حسب هي في أي مرحلة من مراحل الحياة مع إيمان قوي أن الانسان الناجح هو اللي بيفشل كتير وبشكل سريع لأنه وقته كله مخصص للمحاولات والتجارب وهو مؤمن بنفسه وعارفها وواثق فيها فمقبل علي الفشل بكل سعادة وطمائنينة وهيتخطها بالسعي المستمر وبدون الشعور  بالحزن والقلق

مرونة الشخصية ( التأقلم)

التأقلم بيجي من تعدد التجارب كعمل في شركات مختلفة المجالات  وتنوع بيئات وخلفيات الأشخاص العاملين فيها  مع رحلات جوه وبره بلدك ومعرفة ثقافات وعقليات وعادات وتقاليد متنوعة وهنا بتكسر حاجز دائرة الأمان في كل شئ محيط بيك من اعتياد

 علي نوع محدد من الأكل وأصحاب ثابتين وأماكن خروج ما بتتغيريش  وبتكتسب أهم وأصعب مهارة وهي المرونة و التأقلم

الذكاء العاطفي

مشاعرنا محتاجة ريموت زى التلفزيون أوقات تعالي الصوت وتظهر مشاعرك بشكل طبيعي وواضح للكل وأوقات تانية توطي الصوت جدا لدرجة الكتمان والفكرة من التحكم والظهور هو ضبط إيقاع مشاعرك فعلي الرغم من أهميتها كمهارة الإ أن أغلب البشر بتدأ تنتبه ليها 

بعد سن الـ 40 و الـ 50 بفكرة أنا نضجت فبدأت أعرف امتي أغضب وأعبر  أزاي وامتي أتخطي مشاعري وأكون في حالة سكون وهدوء ذاتي 

وهنا لسه متعلمش يتحكم هو بس بيتخطي المواقف نتيجة الخوف من المرض أو نظرة الاخر أو رد فعل غير متوقع ممكن تأذيه وهو غير مستعد ليه ... بس حياتنا اليومية مليئة بالمواقف المشحونة بالعواطف وهنا لازم تمسك الريموت وتفهم مشاعرك وتحدد أفضل طريقة للتعبير  عنها ليك وللطرف الاخر عشان تكسبوا بعض وتفضلوا سبب لنجاح بعض 

القيادة

القيادة من أبسط وأهم الأسباب لكتير من نجاج وفشل الأشخاص والشركات والدول ككل وسوء كانت عندك بشكل فطري أو الحياة علمتهالك فأنت محتاجها عشان توصلك بطريق مختصر لأي شئ ولكل شئ وعشان تعمل ده فمحتاج تفهم لغة جسدك وطريقة تعبيره عن أفكارك وتخطط إزاي تديره بشكل شخصي في وقته سريع عشان تسمح لنفسك أنك تمر بالفشل بكل سعادة وتتخطها بتحكم واضح في مشاعرك وعواطف المتأثره بمحاولة فاشله حديثه بخطوة قائد  واثق أنها مش هتكون لا الأولي و لا الأخيرة ولكن خطوة لتصحيح  المسار أو فهم جانب جديد في ذاتك لم تكتشفه من قبل

  كل المهارات السابقة تقدر تتعلمها وتتقنها معا